Poslovne vijesti - Makedonija

Се нудат финансии за руралниот развој

Агенцијата за финансиска поддршка во земјоделството и руралниот развој објави повик за користење финансиски средства од Програмата за финансиска поддршка на руралниот развој за 2012 година за мерките: Инвестиции за модернизација на земјоделски стопанства и за преработка и маркетинг на земјоделски производи.

За парите можат да аплицираат земјоделски стопанства, трговски друштва, задруги и правни лица, а финансиите се наменети за инвестиции за набавка на нови основни средства, оперативни трошоци поврзани со набавените средства и останати трошоци предвидени со Програмата.

Финансиската поддршка се исплаќа по принцип на кофинансирање на завршени и исплатени инвестиции од корисникот во висина од 50% од вредноста на одобрените прифатливи трошоци за инвестиции, доколку поинаку не е определено. Доделената финансиска поддршка е неповратна.

Пополнетите барања се доставуваат до Агенцијата за финансиска поддршка во земјоделството и руралниот развој, а крајниот рок е 28 следниот месец.